அது அவளுக்கும் தெரியும். ராசுவும் கோமளாவும் பேசிக்கொண்டிருந்தனர். கிழவனை மனதில் திட்டியவாறு எழுந்து போனாள். அருகில் போகவில்லை. ரோட்டின் இந்தப் பக்கமே நின்று..
”ஆத்தா கூப்டுது..” என்றாள்.
உடனே கோமளா ”இங்க வாடி” எனக் கூப்பிட்டாள்.
”ஏன்..?”
” வான்றன்ல..?”
அருகே போனாள் ”என்ன..?”
கோமளா சன்னக் குரலில் ”ரவி ஒன்னு குடுத்தான்.” என்றாள்
”என்ன. .?”
” நீயே பாத்துக்க..” எனக் கொடுத்தாள்.
வாங்கிப் பார்த்தாள். மூன்று விதமான டிசைன்களில்.. ஸ்டிக்கர் பொட்டு.
”இத நீயே வெச்சிக்க..” என கோமளா மடிமேல் தூக்கி வீசிவிட்டு உடனே அங்கிருந்து ஓடிவிட்டாள் பாக்யா.
அவளது மனசெல்லாம் படபடவென அடித்துக்கொண்டது.
ரவி கொடுத்து விட்டது சந்தோசம்தான் என்றாலும். . அதை அவளால் ராசு முன்பாக ஏற்க முடியவில்லை. ஏனெனில் அவள் ஆசைப்படுவது தெரிந்தாலே.. ராசு வாங்கிக் கொடுத்து விடுவான்.
பாத்ரூம் போய் சிறிது நேரம் நின்று.. தன் படபடப்பை சீராக்கிக் கொண்டு சாப்பிடப் போனாள். ராசுவும் வந்து விட்டான். அவனோடு எதுவும் பேசாமலே சாப்பிட்டாள்.
வெளித்திண்ணையில்படுத்த பாட்டி தூங்கிவிட்டாள்.
கோவில் மேடையில் படுத்த தாத்தாவும் தூங்கிவிட்டார்.
வீட்டினுள்.. பாக்யாவும். . ராசும்தான். ஆளுக்கொரு பாயில் படுத்திருந்தனர்.
படுத்து நீண்ட நேரமாகியும் பாக்யாவுக்கு தூக்கமே வரவில்லை.
ராசு தூங்கிவிட்ட்னா என்ன.?
பாக்யா மெல்ல..
”ராசு..”என்றாள்.
தலை திருப்பி அவள் பக்கம் பார்த்தான்.
”தூங்கிட்டியா..?” எனக் கேட்டாள்.
”ஏன். .?” ராசு .
”கால் வலிக்குது..”
சிறிது நேரம் அமைதியாக இருந்தான்.
பாக்யா ”சமாதானமா போயிடலாம். சண்டை வேண்டாம்..” என்றாள்.
பெருமூச்சு விட்டான் ”எத்தனை நாளைக்கு. .?”
”அதெல்லாம் சொல்ல முடியாது. ! இப்போதைக்கு சமாதானம். .” எனச் சிரித்தாள்
” ஏன் ரொம்ப கால் வலிக்குதா.?”
” ம்…!”
”அதானே.. தேவைன்னாத்தானே சமாதானமாவிங்க..” என எழுந்தான்.
அவள் பேசவில்லை.
நகர்ந்து வந்து அவளருகே உட்கார்ந்து எதுவும் பேசாமல் அமைதியாக அவள் கால்களை அமுக்கி விட்டான்.
பாக்யா மெதுவாக”கோபமா இருக்கியா..?” எனக்கேட்டாள்.
” ம்..” என்றான்.
” இருந்துக்கோ.. இருந்துக்கோ.” எனச் சிரித்தாள்.
அவன் பொருமையாக அவள் காலமுக்கி விட்டுக் கொண்டிருக்க… அவள் பெருமூச்சு விட்டாள்.
”உங்ககிட்ட ஒன்னு கேக்கனும்”என்றாள்.
”ம்..?”
” நீ கோமளாவ லவ் பண்றியா?”
”ம்கூம். .”
” ரெண்டு பேரும் க்ளோசா பழகறீங்க..?”
”அவளவிட உன்கூடத்தான் க்ளோசா இருக்கேன்.! நாம பண்றமா..?”
” நம்ம இது வேற..! அப்ப நீ அவள லவ் பண்ணல..?”
” இல்ல. .!”
அவளது மனசு அமைதியானது ஒருவகை சந்தோசம்.!
நிம்மதி. .!!!!
பாக்யாவின் மனதில் படர்ந்த நிம்மதி. . அவளைக் குளுமையாக்கியது.
ஆனாலும் அவனைச் சீண்டினாள்.
”ஏன் அவள லவ்வலாமில்ல.?”
உதட்டில் குறுநகை படற அவளைப் பார்த்தான் ராசு.
” அவளவா..?”
” அவளுக்கென்ன.. கருப்பாருந்தாலும். . ஆள் நல்லா கலையாத்தான இருக்கா.?”
அவன் பேசாமல் சிரித்தான்.
”நீதான்டா சொன்ன.. அவகிட்ட? கழுவி வெச்ச கண்ணகி செலைனு.?”
”என்னது…டா வா..?”
” ஆமா இனிமே அப்படித்தான்”
”அது ஏன். .?”
”ஏன்னா. . இனிமே நாம ப்ரெண்ட்ஸ் சரியா..?”
”அப்படியா..?”
” அப்படிதான். ”
சிறிது நேரம் கழித்துக் கேட்டான்.
”ஆமா கோமளா பொட்டு குடுத்தாளே.. உன்னோட ஆளு குடுத்தான்னு.. அத ஏன் வீசிட்டு வந்துட்ட..?”
” எனக்கே தெரியல..!” என்றாள்.
”புடிக்கலியா.?”
” அதப்பத்தி பேசாத..”
” ஏன். .?”
” பேசாதன்னா பேசாத..” என அவள் கால்களைத் தூக்கி அவன் மடியில் போட்டாள்.
அவளது தொடைவரை மெதுவாகப் பிடித்து விட்டான்.
” நா இருக்கேனு வாங்கலியா..?” எனக் கேட்டான்.
” அதெல்லாம் ஒன்னும் கெடையாது..”
” அப்றம் ஏன் வீசிட்ட..?”
” அதெல்லாம் உன்கிட்ட சொல்ல முடியாது.”
” ஓ..”
” இதுக்குதான்டா அது பத்தி பேசாதனு சொன்னேன். .”
” ரொம்ப’டா ‘ போடற..?”
” இனிமே அப்படித்தான். .”
” அதுக்கு ஒரு கன்டிசன் இருக்கு”
”என்ன கன்டிசன்..?”
” எனக்கு நீ முத்தம் குடுத்தீன்னா ‘ டா ‘ போட்டுக்கலாம்..”
திகைத்தாள் ”முத்…தமா…?” நீண்ட நாட்களாகி விட்டது. அவன் முத்தம் கொடுத்து.
ராசு ”அப்படி இல்லேன்னா ஆத்தா கிட்ட சொல்லிருவேன்”
”என்ன சொல்லுவ..?”
” நீ என்ன வாடா போடானு பேசறேனு..”
”அடப்பாவி..! அவ்வளவுதான்.. மானங்கெட பேசுவா கெழுவி. .”
” நீயே.முடிவு பண்ணிக்க..?”
சிறிது தயக்கத்துக்குப் பின்.. ”ஹூம்.. தொலையறேன்.” என்றாள்.
” குடு..”
” நானா..?”
” ம்.. ம்…! இப்பவே..!”
”கிட்ட வா..”
அவளருகே முகத்தைக் கொண்டு வந்தான்.
வெட்கம் வந்து விட்டது.
” ச்சீ… போடா..” என்றாள்.
” அப்ப’டா ‘ போட முடியாது” எனச் சிரித்தான்.
”வெக்கமாருக்குடா..”
” ரைட்.. படுத்து தூங்கு..! காலைல ஆத்தாகிட்ட.. பேசிக்க.!”
” ஹூம். ! நாசமாப் போனவனே..” கண்களை மூடிக்கொண்டு. . அவன் கன்னத்தில் பட்டும் படாமல் முத்தமிட்டாள்.
உடனே அவன் மறுகன்னத்தைக் காட்ட.. அவள் நெஞ்செல்லாம் படபடவென அடித்துக்கொண்டது. ”ம்கூம். . நீ ஒன்னுதான கேட்ட..”
” இது.. நீ.. நாசமாப்போனவனே அவனே.. இவனேன்னல்லாம் திட்ன இல்ல. . அதுக்கு. .”
” போடா… ” எனச் சிணுங்கினாள்.
” அப்ப சரி..”
”நாயி..” என்றுவிட்டு மறுபடி கண்களை மூடிக்கொண்டு ஒரு ‘இச் ‘ குடுத்தாள்.
”நீ நல்லாவே இருக்க மாட்டே” எனத் திட்டினாள்.
” உன் வாய் முகூர்த்தம் பலிக்க என் ஆசிகள் ” என்றான்.
அவளது படபடப்பு அடங்க நீண்ட நேரமாகியது.
மெதுவாக”என்னோட ரவிக்கு கூட இப்படி நா முத்தம் குடுத்ததில்ல..” என்றாள்.
” நீ தல்லேன்னா என்ன. .? அவன் தந்துருப்பான் இல்ல. .?”
” ச்சீ..! இன்னிக்கு வர.. அவன் என் கைய மட்டும்தான் தொட்றுக்கான் தெரியுமா..?”
” அவ்ளோ நல்லவனா.. அவன்?”
” அதெல்லாம் இல்ல. .! நான்தான் தொட விடலே..”
”தொடவிட்றுந்தீன்னா.. இப்பால அவன் உன்ன அம்மாவாக்கிருப்பான்..”
”ஏய்.. ச்சீ.. கருமம்..! என்னடா பேசற பரதேசி. .?” என அவன் தோளில் அடித்தாள்.
” அவன் அவ்ளோ நல்லவன்னு சொல்ல வந்தேன்..”
” வேனா..ம்..! அவனப் பேசி என்னை டென்ஷன் பண்ணாத.”
” நீ நம்பறளவுக்கு. . அவன் ஒன்னும் நல்லவன் இல்ல. . குட்டி..”
” போதும். . மேல பேசினா சண்டை வரும். ! அப்றம் உன்கூட டூ விட்றுவேன்..”
” நீ.. லவ் பண்றதுகூட எனக்கு ஆட்சேபனை இல்ல குட்டிமா..! ஆனா இவன லவ் பண்றியே.. அதான் கவலையாருக்கு எனக்கு. .?”
அவள் பேசவில்லை. அமைதி காத்தாள்.!
ராசு பெருமூச்சு விட்டு ”அப்பறம் உன் விருப்பம் ” என்றான்.
” ஆ..! ரொம்பத்தான் அக்கறை.?”
”என்னமோ.. உன்மேல.மட்டும் அத்தனை பாசம்..”
” இப்படி பேசினா.. கொன்னுருவேன். .” என்றாள்.
வாயை மூடிக்கொண்டான் ராசு.
அவனைச் சோதிக்க எண்ணினாள்.
”உன் பாசத்த நான் எப்படி நம்பறது..?”
”நீயா புரிஞ்சிக்கற ஒரு நாள் வராமலா போகும். .?” என்றான்.
”நான் சொல்ற மாதிரி செஞ்சிரு நான் நம்பறேன். .”
” சொல்லு..”
”நீ விடியரை வரை வீட்டுக்குள்ளயே வரக்கூடாது. வெளிலதான் இருக்கனும். . தூங்காம..!”
”இவ்ளோதானா..?”
”இதை மட்டும் நீ செஞ்சிரு.. அப்றம் உன்கூட நான் சண்டையே போட மாட்டேன். உனக்கு புடிச்ச ஒரு கிஸ் தரேன்.. என்ன ஓகேவா..?”
” ஓகே. .! நாபகம் வெச்சிக்கோ.. என் உதட்ல நீ கிஸ் தரனும். .”
”உதட்லயா…?”
” அதான் பெட்..!”
” ம்.. சரி..! நீ தூங்கவே இல்லேன்னு நா எப்படி நம்பறது..?”
” காலைல பாரு.. நீயே தெரிஞ்சிப்ப..” என்றுவிட்டு எழுந்து வெளியே போனான்.
ராசு திரும்ப வருவான் என நம்பினாள். ஆனால் அவன் வரவே இல்லை. பாத்ரூம் போவதற்காக எழுந்து வெளியே போனாள்.
ராசு கண்ணில் படவே இல்லை. சற்று தொலைவில் .. காட்டுப்பகுதியில் நாய்கள் குரைத்தன.!
சிறிது தூரம் நடந்து விட்டு. . வருவான் என நினைத்துக் கொண்டாள்.!
இரவில் அசந்து தூங்கிவிட்டாள் பாக்யா.
மறுநாள் காலையில் கண்விழித்த போது.. விடிந்து விட்டது. கண்விழித்தவுடனே.. அருகில் இருந்த பாயைப் பார்த்தாள்.
வெறுமையாக இருந்தது. ராசு இல்லை. படுக்கை அப்படியே இருந்தது.
அவசரமாக எழுந்து வெளியே போய்ப் பார்த்தாள்.
அவன் இல்லை.
பாட்டிதான் அடுப்பின் முன்னால் உட்கார்ந்து சமையல் செய்து கொண்டிருந்தாள்.
பாத்ரூம் போய்விட்டு வந்து பாட்டியிடம் கேட்டாள்.
”மாமா.. எங்க ஆத்தா..?”
” ஊட்டுக்குள்ள இல்லையா..?” பாட்டி அவளிடம் கேட்டாள்.
”ம்கூம். . இல்ல. .”
” அப்ப நேரத்துல எந்திரிச்சு.. எங்காவது போயிருப்பான்.”